Testo a Pizza C' 'A Pummarola (Dal Film Lazzarella) - Domenico Modugno

a Pizza C' 'A Pummarola (Dal Film Lazzarella)

Cumpariè, si te muore 'e famma
Aggio miso 'o pesciolino dint' 'a pumidora
Bella pasta!
Favorite, favorite…
È 'nu pranzo p' 'o puveriello
È nu sfizio p' 'a nubbiltà
Comme è semplice 'o 'nduvinello
Sulo addore t' 'o ddice ggià
È rossa comm' 'a vocca 'e 'na figliola
È a pizza c' 'a pummarola
A pizza c' 'a pummarola
È 'nu quadro 'e nu pittore
Ca ce ha miso c' 'o penniello
L’aglio, l’uoglio e 'o ciceniello 'e mare
Jamme a magnà!
Oi né, oi nè
'A pizza 'e Napule!
Oi né, oi nè
'A pizza 'e Napule!
'E Napule!
'A pizza c' 'a pummarola
È 'na cura 'e 'nu duttore
È 'nu stemma comunale
È 'na gloria nazionale: è bbona!
Jamme a magnà!
Oi né, oi nè
'A pizza 'e Napule!
Oi nè, oi nè
'A pizza 'e Napule!
'E Napule!
Nun è overo ca te fa male
Nun è overo ca fa 'ngrassa':
Signurina sentimentale
Si te piace, t' 'a può piglià:
Te dà 'o culore 'faccia e te cunzola
'Sta pizza c' 'a pummarola!
Oi né, oi nè
'A pizza 'e Napule!
Oi né, oi nè
'A pizza è nnata cca!