Testo Guapparia - Franco Corelli

Guapparia

Scetateve, guagliune 'e mala vita…
ca è 'ntussecosa assaje 'sta serenata:
i' songo 'o 'nnammurato 'e Margarita
ch' a femmena cchio bella d' 'a 'Nfrascata!
L’aggio purtato 'o capo cuncertino,
p' 'o sfizio 'e mme fa sentere 'e cantà…
M’aggio bevuto nu bicchiere 'e vino,
pecchè, stanotte, 'a voglio 'ntussecà…
Scetateve, guagliune 'e mala vita…
E' accumparuta 'a luna all’intrasatto
pe' lle dà 'o sfizio 'e mme vedè distrutto:
pe' chello che 'sta femmena m’ha fatto,
vurria c’a luna se vestesse 'e lutto…
Quanno se ne venette a' parte mia,
ero 'o cchio guappo 'e vascio a' Sanità.
Mo, ch’aggio perzo tutta 'a guapparia,
cacciatemmenne 'a dint''a suggità…
Scetàteve guagliune 'e mala vita…
Sunate, giuvin, vuttate 'e mmane,
nun v’abbelite, ca sto buono 'e voce;
i' mme fido 'e cantà fino a dimane,
i' metto 'ncroce a chi m’ha miso 'ncroce…
Pecchè nun va cchio a tiempo 'o mandulino?
Pecchè 'a chitarra nun se fa senti?
Ma comme, chiagne tutto 'o cuncertino
addò che avesse chiagnere sul’i'?
Chiagneno sti guagliune 'e mala vita!