Testi Lisa - BAP

Lisa

Efeu klimmp ahn Backsteinmuhre
Stacheldroht setz Rost ahn
Doch Lisa kann nit drövver luhre
Will och nicht
Do ess zuvill noch
Ahn Passiertem, dat noch immer nit verdaut
Bilder, jäjen die se sich wehrt
Doch dat, wovüür t ihr ahm allermiehßte graut
Ess de Logik, noh der sie hedrinn erlööß weed
Dä Kleine ess bei fromme Lück jetz
Ohne Jold, Purpur un Türkis
Adoptiert, als se jraad clean wood
He en dämm Kuckucksnest-Verließ
Sie, die plattjefahrne Katze met heimbraat
Has un Ijel, die se flöck hingerm Huus beerdigt
Dofür ussjelaach wood
Et heeß: Lisa, die ess verröckt
Nur für Lisa, die Verstörte, jilt dat nit
Die sich für n Hillije hällt, für n mißverstandne Fee
Für n Madonna, die en ner Folterkammer ligg
Se ess Leechtjohre entfernt un trotzdämm he
Lisa sieht sich wie se kusch ess
Brave Tochter, trautes Heim
Durchschnittshorror artig rinnfriss
Bess se platz, dann fleje Stein
Jäje Mörder, die als Biedermann jetarnt
Dann mem Mario dat Kind
Un schon widder weed Verröckte sie jenannt
Vun dänne, die su normal sinn