| Sugnu sempri alla finestra e viru genti ca furria pà strada |
| Genti bedda, laria, allegra, mutriusa e siddiata |
| Genti arripudduta cu li gigghia isati e a vucca stritta |
| «Turi ho vogghia di quaccosa, un passabocca, un lemonsoda» |
| Iddu ci arrispunni: «Giusi, quannu ti chiamavi Giuseppina |
| Eri licca pà broscia cà granita» |
| «Turi tu n’ha fattu strada e ora che sei grosso imprenditori |
| T’ha 'nsignari a classi 'ntò parrari» |
| Sugnu sempre alla finestra e viru genti spacinnata |
| Sduvacata 'nte panchini di la piazza, stuta e adduma a sigaretta |
| Gente ca s’ancontra e dici «ciao» cu na taliata |
| Genti ca s’allasca, genti ca s’abbrazza e poi si vasa |
| Genti ca sa fa stringennu a cinghia, si strapazza e non si pinna |
| Annunca st’autru 'nvernu non si canta missa |
| Genti ca sa fa 'lliccannu a sadda |
| Ma ci fa truvari a tavula cunsata a cu cumanna |
| Chi ci aviti di taliari, 'un aviti autru a cui pinsari |
| Almeno un pocu di chiffari |
| «Itavinni a travagghiari» vannia 'n vecchiu indispettitu |
| «avemu u picciu arreri o vitru» |
| Jù ci dicu «m'ha scusari, chista è la me casa e staju unni mi pare |
| La domenica mattina dagli altoparlanti della chiesa |
| A vuci 'i Patri Coppola n’antrona i casi, trasi dintra l’ossa |
| «piccaturi rinunciati a ddi piccati di la carni |
| Quannu u riavulu s’affaccia rafforzatevi a mutanna» |
| Quannu attagghiu di la chiesa si posteggia un machinone |
| Scinni Saro Branchia detto Re Leone |
| Patri Coppola balbetta e ammogghia l’omelia cu tri paroli |
| Picchì sua Maestà s’ha fari a comunioni |
| Chi ci aviti di taliari, 'un aviti autru a cui pinsari |
| Almeno un pocu di chiffari |
| «Itavinni un pocu a mari», vannia un vecchiu tintu |
| «accussì janca mi pariti 'n spiddu» |
| Jù ci dicu «m'ha scusari |
| Ma picchì hati a stari ccà sutta a me casa pà 'nsultari» |
| Sugnu sempri alla finestra e viru a ranni civiltà |
| Ca ha statu, unni Turchi, Ebrei e Cristiani si stringeunu la manu |
| Tannu si pinsava ca «La diversità è ricchezza» |
| Tempi di biddizza e di puisia, d’amuri e di saggezza |
| Zoccu ha statu aieri, oggi forsi ca putissi riturnari |
| Si truvamu semi boni di chiantari |
| 'Nta sta terra 'i focu e mari oggi sentu ca mi parra u cori |
| E dici ca li cosi stannu pì canciari |
| Chi ci aviti di taliari 'un aviti autru a cui pinsari |
| Almeno un poco di chiffari |
| Itavinni a ballari, ittati quattru sauti e nisciti giustu pì sbariari |
| Jù ci dicu «Cù piaciri, c'è qualchi danza streusa ca vuliti cunsigghiari!?» |
Informazioni sulla canzone In questa pagina puoi trovare il testo della canzone 'A Finestra, artista - Carmen Consoli. Canzone dell'album Eco Di Sirene, nel genere Поп