Testo Torna - Franco Corelli

Torna

Te voglio n’ata vota 'int'a sti bbraccia.
Chello ca si' nun 'mporta, ch’aggi' 'a fa?
Voglio chist’uocchie, voglio chesta faccia
Addó' ce ride ògne felicità.
Suonno d' 'a vita mia,
Dimme pe' quala via
T’aggi' 'a venì a 'ncuntrà?
Torna,
'Sta casa aspetta a te.
Torna,
Che smania 'e te vedé.
E torna, torna, torna.
Ca, si ce tuorne tu,
Nun ce lassammo cchiù.
Cu ciento desiderie 'e mala freva,
'O specchio t’ha fernuto 'e arruvinà.
Quanno partiste, st’anema chiagneva
Penzanno addó' putive capità.
Dimme chi te trattene,
Dimme qua' só' 'e ccatene
Ch’aggi' 'a venì a spezzà?
Torna,
'Sta casa aspetta a te.
Torna,
Che smania 'e te vedé.
E torna, torna, torna.
Ca, si ce tuorne tu,
Nun ce lassammo cchiù.