Testi Wachtherapie - MQ

Wachtherapie

Ig wot geng aues uf einisch und am bestä sofort
Red nid vo trendgägeständ, tuusig projekt i mim chopf
Wet nid nur chli recordä, nei i wet dr rekord
Würs mängisch gärn la si, aber irgendöpis fesslät mi no
Secklä drvo das ig is bett chönti cho, doch gibä no gas
Bi nid dr tony wright aber immer no wach, fingä ke schlaf
Drum gibi mir immer öpis zdüä, de macheni ou keni blödheitä
Währendäm dirs schön heit, spili mit wörter
Es isch nid bös gmeint
Stah unger druck, holä ou no z`letstä us mir
Mit dr wäut uf minä schulterä bini bestens trainiert
Ha mi chopf nid la hangä, nur paar lines ingespichert
Mi terminplan so vou, das isch wi minesweeper spile
Schrib dr fruscht vo dr seelä mit verdurstender kehlä
Schiss uf kunstvoui themä, ds isch ke kurs vomnä lehrer
Chumi nüm zum pennä, de schribi bis zum tod
Ryb dr sand us minä ougä und vertribä dr dämon
I rissä d ougä uf und konzentrierä mi
Bi scho fasch troumatisiert
Ha gnuä lang gmeint, d`wäut wartet uf mi
Schlafä nüm y, bi ir wachtherapie
Es git immer irgendöpis wo mi stresst und i dr letstä zyt
Viu z`viu hektik, z`weni energie
Bewegigä si greglet, süsch giz herti medizin
Mit dere message isches erlediget, wirdä eh nid depressiv
Gäg z`verschlafnigä gsicht mitem schlafzimmerblick
Häufä d`höuzli zwüschä dä ougä, autä pfadfindertrick
Dr haggä vor gschicht, blibi wach wird mi tag widr gfiggt
Ou a mir nagt dr zahn vo dr zyt und ja, i bi nachtaktiv
Cha mi besser konzentrierä, we di anderä am schlafä sy
De hani meh platz zum dänkä, freiruum fürä geischt
Bini dr einzig wiit und breit, wo sech einiges überleit
Und uf d`tastä het drückt, für paar passendi sprüch
Ha nur angst das mi hüt im schlaf d`nachtmar erdrückt
Klar-tröim hani paar, aber diä meistä si mir z`trüäb
Weni widr erwachä bini desillusioniert
I rissä d ougä uf und konzentrierä mi
Bi scho fasch troumatisiert
Ha gnuä lang gmeint, d`wäut wartet uf mi
Schlafä nüm y, bi ir wachtherapie