Informazioni sulla canzone In questa pagina puoi trovare il testo della canzone Mona Lisa, artista - Riddler. Data di rilascio: 18.03.2020
Limiti di età: 18+
Linguaggio delle canzoni: Tedesco
Mona Lisa |
| Dafalgan neb dr Absolut-Fläsche |
| Baba Gras i dr Lacoste-Buchtäsche |
| Würge Vodi, trinke haube Liter Wasser |
| I wot wäg vo hie zu tattowierte Pacu-Rouge-Fätze |
| Zwüsche Ticket, Fiuter, bluetlääre Häng |
| Wo di Lippe nippt am Whiskey, sech chli Muet häredänkt |
| Wo d Mirabelleboumchrone lisli ruscht u Schätte wirft |
| Weissi aues isch vrgänglech, wiso das usgrechnet ni? |
| I bi Nosebleeder, doch dr Gwinn nie grösser aus dr Iisatz |
| Di Lippestift isch röter aus dr Wiisatz |
| Dr erst Schluck vom Chivas |
| Gseh d Liechter vo dr Chliistadt |
| Ds Strebe nachem Glück isch ds, wo üs aui glich macht |
| Abr i gseh inhautlosi Lieder über inhautlosi Lieder |
| Seg, was blibt i hundert Jahr, nur es Ching maut no mit Liebi |
| Ei Click, ei Schritt bisde gheisch |
| Ei Blick, du bisch Stei, meinsch iz, du bisch frei |
| Kapuze dobe und i steppe id Gass |
| Chesterfield schmöckt nach dr gestrige Nacht |
| I spöie dr Gschmack uf di dürnessti Strass |
| Und er fliesst ines Senkloch, wi heftig ds passt |
| Bewege mi gad zwüsche Droge, Psychose und Liebi vom Läbä aus Dorne vor Rose |
| Mau eigeti Biuder, seg eigeti Wort |
| Für meh Mona Lisas und Freiheit im Chopf |
| Aber kes Problem, i maches allei |
| La doch d Farb, ni wi die, wo Trains buffe am Gleis, du weisch |
| Staffelei für ds d Maske de gheit |
| I wot mi säuber sii nid irgendsone bastlete Fake |
| Wüu ire Schwarz-Wiss-Wäut zwüsche bländet u blind |
| Bisch du oberflächlech, wüud ar Oberflächi nid ertrinksch |
| Und so vili ticke glich, wär het di bessere Uhre? |
| Blibet individuell i Stalineske Strukture |
| Ds isch dr Wasserschlange-Flow, i binä Hydra, weni Zile spöie |
| Gägner ohni Chance, chömet, chöpfet mi, es git e Nöie |
| Figg uf euchi Gier nach Clickzahle und Fame |
| Aute, wini mi gd füehle, dr Rick Sanchez vrsteits |
| Wüu i ma dä Cold Turkey nid vrlide |
| Chli vrschilet, abr i bi George Berkeley, weni schribä |
| Schwäre Schlaf füre Chronetreger uf Ott |
| Drum blibi wach, lieber lääri Gläser aus Wort |
| Schibe klirre, we di Drum i di Ort klatscht |
| Wi dä Digger idr Danziger Vorstadt |
| I maches nur für mini Jungs und d Liebi hie |
| Wüu so weissi, weni gah: Mir si mir, die si die |
| I wot nie meh tief staple, lieb frage: «Darfi läbä?» |
| Tierschare uf dr Arche bises rägnet |
| Und rägnet und rägnet und rägnet und nie meh stoppt |
| Wüu uf Uniformität het doch niemer Bock, Mona Lisa |