Testi Gedanke - Pato

Gedanke

I heisse di härzlech willkomme im 21igste Johrhundert
Jo me gseht, die Schwiz isch zimli bunter
Vüu meh aus no vor 80 Johr
Nur chöi so vüu lüt drmit nid klar cho
Es het Platz fr aui, au für flüchtendi Mönsche
Vüu besser chas eigendlech würklech nümm wärde
Doch i ghöre vüu Faschistesache
Vo Wuetbürger, sie si ke Rasiste aber…
Hinger dr Fassade isch Angst versteckt
Und die ganzi Angst wird mit vüu Hass überdeckt
Lüt wo angerne dr Atem nid tüe gönne
Si dr Grund werum sech Anderi nüm Patriote nenne
I cha nid verstoh wie me sech vor so Chance cha verschränke
Gmeinsam chönnte mer so vüu verändre
Du muesch mini Meinig nid teile, sie ish nid verankert
Aber mach der mindestens Gedanke
So vüu Lüt empöre sech, ohni öppis z mache
Und gseh gar nid was für Chance sie verpasse
Luege enander us der Ehreloge ah
Dermi chönnt me so vüu lehre vonenand
Sie meine e Einheit macht es freis Land us
Und schaffe sech drbi die eiget Heimat us
Vüu Lüt si uf dr Suechi, wüsse nid wo sie häre sette
Mir hei aui Puzzleteili, müesse se nur no zämesetze
Döu si stouz und düe d Schwizerfahne hisse
Sie stöh für üses Land, aber nid 2017
Für Flüchtendi gits e chlini Dose Mitleid
Für was es Burkaverbot, wenn niemer s wohre Gsicht zeigt?
Und wenn das nid stimmt, de säg mer bitte öppis anders
I bi sicher das mers schaffe, wenn mirs mitenander mache
Du muesch mini Meinig nid teile, sie isch nid verankert
Aber mach der mindestens Gedanke