Testo Anonimo: Lu cardillo - Ian Bostridge

Anonimo: Lu cardillo

Sto crescenno nu bello cardillo,
Quanta cose che l’aggio ’mpara’
Adda ire da chisto e da chillo
Ll ’immasciate po’ m’adda purta’
Siente cca’ bello mio lloco ’nnanze
C’e’ na casa ’na nenna ’nce’ stà
Tu la vide ca nun è distante
Chella nenna aje da ire a truvà.

Si la truove ca stace durmenno
Pe’ na fata gue’ nun ’a piglia’
Nu rummore nun fa culipenne
Guè cardi tu l’avissa scetà!
Si affacciata po’ stà a lu barcone
Pe’ na rosa l’avissa piglià?
Guè cardi’ vi’ ca lla’ nun te stuone
Va vattenne cardi’ n’addurà.

Si la truove ca face l’ammore
’Stu curtiello annascùnnete cca’
’Nficcancillo deritto allu core
e lu sango tu mm’aje da purtà.
Ma si pensa vattè chianu chianu,
Zitto zitto ’nce l’aje accustà
Si afferrà po’ te vo’ co’ la mano
Priesto ’mpietto tu l’aje da zumpa’.

Sto crescenno nu bello cardillo,
Quanta cose che l’aggio ’mpara’
Adda ire da chisto e da chillo
Ll ’immasciate po’ m’adda purta’