Testo Saderalladon - Corvus Corax

Saderalladon

En mai au douz tens nouvel
Que raverdissent prael
Oi sor un arbroisel
Chanter le rosignolet
Saderaladon!
Tant bon fet
Dormir lez le buissonet
Si com g’estoie pensis
Lez le buissonet m’assis
Un petit m’i endormi
Au douz chant de l’oiselet
Sadaraladon!
Au resveillier que je fis
A l’oisel criai merci
Qu’il me doint joie de li
S’en serai plus jolivet
Saderaladon!
Et quant je fui sus levez
Ci conmenz a citoler
Et fis l’oiselet chanter
Devant moi el präelet
Saderaladon!
Li rosignolez disoit
Par un pou qu’il n’enrajoit
Du grant duel que il avoit
Que vilains l’avoit öi
Saderaladon!