Testo Sigeléasne Sang - Corvus Corax

Sigeléasne Sang

Ðá cóm of more
Under misthleoþum
Grendel gongan
Godes yrre bær•
Mynte se mánscaða
Manna cynnes
Sumne besyrwan
In sele þám héan•
Né þæt se áglaéca
Yldan þóhte
Ac hé geféng hraðe
Forman síðe
Slaépendne rinc
Slát unwearnum•
Bát bánlocan
Blód édrum dranc•
Synsnaédum swealh
Sóna hæfde
Unlyfigendes
Ealgefeormod
Fét ond folma
Lícsár gebád
Atol aéglaéca
Him on eaxle wearð
Syndolh sweotol
Seonowe onsprungon
Burston bánlocan
Béowulfe wearð
Gúðhréð gyfeþe
Scolde Grendel þonan
Feorhséoc fléön
Under fenhleoðu
Sécean wynléas wíc
Gryreléoð galan
Godes andsacan
Sigeléasne sang
Sár wánigean
Helle hæfton
Héold hine fæste
Sé þe manna wæs
Mægene strengest
On þaém dæge
Þysses lífes