Testi Heidewitzka, Herr Kapitän - Betontod

Heidewitzka, Herr Kapitän

Eimol em Johr dann weed en Scheffstour gemaht
Denn su en Faht, hät keinen Baat
Eimol em Johr well mer der Drachenfels sin
Wo köme mer söns hin?
Liebchen ade, mer stechen he
Mem Müllemer Böötche endlich en See
Un wenn et ovends spät op Heim ahn dann geiht
Dann rofe mer vör luter Freud:
Heidewitzka, Herr Kapitän!
Mem Müllemer Böötche fahre mer su gähn
M’r kann su schön em Dunkle schunkele
Wenn üvver uns de Sterne funkele
Heidewitzka, Herr Kapitän!
Mem Möllemer Böötche fahre mer su gähn
Volldampf voraus! Et geiht d’r Rhing jetzt entlang
Met Sang un Klang, de Fesch wähde bang
Met hundert Knöddele dat litt klor ob d’r Hand
Wink uns et blaue Band
Süch ens d’r Schmitz, met singem Fitz
Die sin ald jetz su voll wie an Spritz
Hä fällt dem Zigarettenboy öm d’r Hals
Brüllt met’ner Stemm su voller Schmalz
Heidewitzka, Herr Kapitän! …
Jung, ob dem Scheff ham’mer ald Windstärke 11
Bal Halver Zwölf un gar kein Hölf
Selvs de Frau Dotz, die met dem Wallfeschformat
Wood dovun seekrank grad
Heimlich un stell bütz doch dat Bell
En der Kajütt ne knochige Böll
Nä et wed Zick met uns, mer müsse ahn Land
Mer sin jo wie us Rand und Band
Heidewitzka, Herr Kapitän! …